بارہ بنکی میں شہریت ترمیم بل کی مخالفت میں کانگریس کارکنان نے سڑک پر اتر کر اس بل کے خلاف احتجاج کیا۔
ریاست اترپردیش کے ضلع بارہ بنکی میں کانگریس کارکنان نے شہریت ترمیم بل کے خلاف نعرہ بازی کی اور اس کی کاپیاں نظر آتش کیں۔
بارہ بنکی کے چھایا چوراہے پر ضلع صدر محمد محسن کی قیادت میں کانگریس کارکنان نے ہاتھوں میں اس بل کے خلاف لکھے نعروں کی تختیاں لیکر اس کی مخالفت کی۔
کانگریس کارکنان نے واضح طور پر اس نئے بل کو سنگھ کا قانون قرار دیا اور کہا کہ شہریت ترمیم بل انہیں برداشت نہیں۔ اس کے بعد کانگریس کارکنان نے شہریت ترمیم بل کی کاپیوں کو جلانا شروع کیا موقع پر بڑی تعداد میں پولس بھی موجود رہی۔