 فتح پور، بارہ بنکی: قصبہ صورت گنج کے صاحبزادے پوروہ میں گزشتہ شب نعتیہ مشاعرے کا انعقاد کیا گیا، جس کی صدارت مولانا عبد الطیف اور نظامت نوجوان شاعر جمیل اختر زید پوری نے کی ۔ آغاز قاری محمود کی تلاوت کلام پاک سے ہوا۔ مشاعرے میں مہمان خصوصی کی حیثیت سے ضلع پنچایت صدر اشوک کمار سنگھ، سابق بلاک پرمکھ صورت گنج گیانو سنگھ، سابق سپا ضلع صدر حافظ ایاز احمد نے شرکت کی ۔ مشاعرے میں پیش کئے گئے چند اشعار نذرِ قارئین ہیں ۔ اے فرشتوں اسے رحمت کے پروں میں لے لو سر کے بل چل کے محمدؐ کا غلام آیا ہے دل خیرآبادی میرے نبیؐ کا مدینہ تو دیکھ لیتا اگر تو پھر نہ کہتا کہ جنت نہیں ہے دینا میں اشفاق بہرائچی نکل کے دینِ محمدؐ سے اگر جاؤ گے قسم خدا کی سکوں پھر کہیں نہ پاؤ گے شمشیر جہانا گنجی میرے گھر کی ملکہ بھی پیار سے پکاتی ہے پھر بھی ماں کے ہاتھوں سی روٹیاں نہیں ہوتی ڈاکٹر شمیم رامپوری حق تعالیٰ کا ہے فرمان محافظ میں ہوں خود ہی مٹ جائیں گے قرآن مٹانے والے عبد الہادی فیضی آپ کے ہمراہ تھے صدیقؓ غارِ ثور میں آج بھی ہمراہ ہیں صدیقؓ اکبر دیکھئے قاری پرویز یزدانی اپنی شہرت کے لئے اور نہ دولت کے لئے میرے سرکار بہت روتے تھے امت کے لئے جمیل اختر زید پوری نعت مصطفےٰ کی جب کوئی گنگناتا ہے یہ زمین کیا سن کر عرش جھوم جاتا ہمؤ فاروق دلکش مؤ ان کے علاوہ عتیق فتح پوری، فیصل رشیدی، عمر عبداللہ بارہ بنکوی سمیت دیگر مقامی و بیرونی شعراء نے بھی اپنا کلام پیش کیا جن کو سامعین نے خوب داد و تحسین سے نوازا۔ اراکین کمیٹی کی جانب سے مہمانوں کی گلپوشی کر ان کا استقبال کیا گیا ۔اخیر شب تک چلنے والے اس مشاعرے میں سامعین کی ایک خاصی تعداد موجود رہی۔ جن میں مولانا ظفیر احمد قاسمی، مولانا شبیر احمد، عتیق چودھری، ماسٹر حفیظ، ماسٹر محمد زید، محمد ایوب، مقصود احمد، پارس چوہان کے نام قابلِ ذکر ہیں ۔ آخر میں کنوینر مشاعرہ مقصود احمد نے سبھی شعراء و سامعین کا شکریہ ادا کیا
|
