جامعہ ملیہ اسلامیہ صد سالہ تقریبات کے ایک حصے کے طور پر، جامعہ اساتذہ کی انجمن (جامعہ ٹیچرز ایسو سی ایشن) 16 تا 18 فروری، 2020 ء تین روزہ جے ٹی اے ملٹی ڈسپلیلنری انٹرنیشنل کانفرنس (جے ٹی اے سی اے سی۔2020) کا انعقاد کر رہی ہے۔
کانفرنس کی افتتاحی تقریب یونیورسٹی کے ڈاکٹر ایم اے۔انصاری آڈیٹوریم میں ہوگی۔ پروفیسر بھیکو سی پاریکھ، ممبر، ہاؤس آف لارڈز، برطانیہ مہمان خصوصی ہوں گے اور چیف ایگزیکٹو، جی اے آئی ایل، چیف جنرل منیجر، انوپ گپتا، افتتاحی تقریب کے مہمان خصوصی ہوں گے۔ اس تقریب کی صدارت جامعہ ملیہ اسلامیہ کی وائس چانسلر پروفیسر نجمہ اختر کریں گی۔
تین روزہ کانفرنس میں ’ایک شام، شہیدوں کا نام‘ کے عنوان سے ایک ثقافتی پروگرام اور ایک آرٹ نمائش کا بھی اہتمام کیا جائے گا۔
’مہاتما گاندھی اور ان کی وراثت‘ کے بارے میں ایک خصوصی سیشن 17 فروری کو منعقد ہوگا جہاں دہلی کے سابق لیفٹیننٹ گورنر شری نجیب جنگ مہمان خصوصی ہوں گے اور برطانیہ ہاؤس آف لارڈزکے ممبر پروفیسر بھیکو سی پاریکھ اجلاس کی صدارت کریں گے۔
پروفیسر شاہد مہدی، سابق وائس چانسلر، جامعہ ملیہ اسلامیہ17 فروری 2020 کو’جامعہ ملیہ اسلامیہ کے بانیوں‘کے بارے میں ایک خصوصی اجلاس کی صدارت کریں گے، جہاں ڈاکٹر شاہد جمیل، سی ای او، ویلکم ٹرسٹ یوکے-ڈی بی ٹی انڈیا الائنس موجود ہوں گے۔ مہمان خصوصی اور پروفیسر الیاس حسین، پرو وائس چانسلر، جامعہ ملیہ اسلامیہ مہمان خصوصی ہوں گے۔
18 فروری 2020 کو‘شہریت اور ہندوستانی آئین: حقوق اور فرائض‘ کے بارے میں ایک خصوصی سیشن کا انعقاد کیا جائے گا جس میں متعدد ماہرین اپنے لیکچر پیش کریں گے۔ اس سیشن کی نظامت جامعہ ملیہ اسلامیہ کے مشہور تاریخ دان، ناول نگار، سیاسی اور سماجی تجزیہ نگار پروفیسر مکول کیسون کریں گے۔