وزیر اعلیٰ نے لاک ڈاو ¿ن میں عوام اشتراک اور تعاون کے لئے دل سے شکریہ ادا کیا
لکھنو
اترپردیش کے وزیر اعلی یوگی آدتیہ ناتھ نے آج کے لاک ڈاو ¿ن میںعوام کی شراکت اور تعاون پر عوام کادل سے شکریہ ادا کیا ہے۔ انہوں نے کورونا وائرس کے پھیلنے کے باوجود ڈاکٹروں ، صحت ، صفائی ، پولیس ، بجلی اور انتظامیہ سمیت افسران اور ملازمین کے ذریعہ سرانجام دی جارہی عوامی خدمات پر ان سب کا شکریہ ادا کیا۔
وزیر اعلی نے کہا کہ لاک ڈاو ¿ن ریاست کے 23 کروڑ عوام کے بہترین صحت اور محفوظ مستقبل کے لئے بنایا گیا ہے۔ انہوں نے ریاست کے لوگوں سے گھر میں رہتے ہوئے معاشرتی فاصلہ برقرار رکھنے کی اپیل کی ہے۔ انہوں نے کہا کہ انتظامیہ پورے جوش و جذبے کے ساتھ کام کر رہی ہے۔ سبزیاں ، دودھ ، دوائیں اور اشیائے خوردونوش گھر گھر جانے کے لئے 12 ہزار سے زائد گاڑیاں لگائی گئی ہیں۔
وزیر اعلی نے کہا کہ اس بات کو یقینی بنایا جائے کہ کوئی بھی شخص رات کے شیلٹروں ، بس اسٹیشنوں ، ریلوے اسٹیشنوں ، ہوائی اڈے کے باہر اور دیگر عوامی مقامات پر بھوکا پیاسا نہ رہے۔ اس کے لئے ضلعی کمیونٹی کچن کے ذریعہ کھانے پینے کے ساتھ ساتھ پینے کے پانی کا بھی انتظام کرے۔
