رمضان المبارک کی تیاریوں کے سلسلے میں عیدگاہ میں اہم میٹنگ
لکھنو ¿،۔ عیدگاہ لکھنو ¿ میں ماہِ رمضان المبارک کی تیاریوں کے سلسلے میںضلع انتظامیہ ،عیدگاہ کمیٹی اوراسلامک سنٹر آف انڈیا فرنگی محل کے ذمہ داروںاور ارکان کی ایک اہم میٹنگ مولانا خالد رشید فرنگی محلی امام عیدگاہ لکھنو ¿ کی صدارت میں ہوئی۔ مولانانے ضلع انتظامیہ کے افسروںکی توجہ اس بات پر دلائی کہ رمضان کے مقدس مہینے میں پورے شہر خصوصاً مسلم اکثریتی علاقوں میں صفائی ستھرائی کا معقول انتظام کیا جائے۔ انہوں نے کہا کہ۴۲اپریل کو اگر چاند ہوگیا تو تراویح اسی رات سے شروع ہوجائے گی ورنہ۵۲اپریل سے ہوگی اور پہلاروزہ ۵۲ یا۶۲اپریل کوہوگا۔اس لیے عیدگاہ اور شہر کی تمام مساجد کے ارد گرد صفائی کا جلد از جلد معقول انتظام اور نظم ونسق مزید بہتر کیا جائے اور اس بات کو یقینی بنایا جائے کہ خصوصاً افطار،تراویح اور سحری کے وقت بجلی نہ جائے۔ انہوں نے کہا کہ عیش باغ، بلوچ پورہ ، اکبری گیٹ ، چوک، نخاس، مولوی گنج، گولہ گنج ،امین آباد ، قصائی باڑہ ، مچھلی محال، حسین آباد، ڈالی گنج، کھدرہ ، خرم نگر اور دیگر مسلم اکثریتی علاقوں میں ٹریفک کے نظام کو درست کیا جائے۔ مولانا نے کہا کہ رمضان المبارک ایک مقدس مہینہ ہے۔ تمام مسلمان عبادت میں مصروف رہتے ہیں ۔ رمضان کے فوراً بعد عید الفطر ہوتی ہے۔ انہوںنے ضلع انتظامیہ اس بات کو یقینی بنائے کہ شہر میں خصوصاً پرانے شہر میں کسی کو بھی امن وامان کے ساتھ کھلواڑ نہ کرنے دیا جائے۔ مولانا نے عوام سے اپیل کی کہ کسی بھی قسم کی افواہوں پر دھیان نہ دیں اور کسی کے بہکاوے میں بھی نہ آئیں۔ میٹنگ میں اس بات کا بھی مطالبہ کیا گیا کہ سحری کے وقت پانی کی اضافی سپلائی کی جائے جس سے روزہ داروں کو کوئی زحمت نہ ہو۔ بڑی مسجدوںکے پاس پانی کے ٹینکرس کا بھی انتظام کیا جائے جس سے نمازیوں کو وضو میں کوئی دشواری نہ ہو۔
اے ڈی ایم سٹی مغربی سنتوش کمار ویش نے مولانا خالد رشید اور تمام حاضرین کویقین دلایاکہ تمام انتظامات ہر سال سے بہتر کرنے کی پوری کوشش کی جائے گی۔انہوں نے کہا کہ رمضان جیسے مبارک مہینے میںشہر کا امن وامان بگاڑنے والوں کو بخشا نہیں جائے گا۔ انہوں نے متعلقہ محکموں کے ذمہ داروں کو اس سلسلے میں تفصیل سے احکامات جاری کیے ۔
میٹنگ کو خطاب کرتے ہوئے اے ڈی سی پی مغربی وکاس چندر ترپاٹھی نے کہا کہ رمضان کے پیش نظر پولیس محکمہ امن وامان قائم رکھنے کے لیے ہر ممکن انتظامات کررہا ہے اور کسی کو بھی قانون کے ساتھ کھلواڑ نہیں کرنے دیاجائے گا۔ اس سلسلے میں ہمیں ہمیشہ کی طرح امید ہے کہ امام عیدگاہ لکھنو ¿ اور عوام کا تعاون پہلے کی طرح ملتا رہے گا۔ میٹنگ کو خطاب کرتے ہوئے میونسپل کمشنر ڈاکٹر اندر منی ترپاٹھی نے کہا کہ نگر نگم کی طرف سے اس مبارک مہینے میں صفائی اور دیگر انتظامات میں کوئی کمی نہیں چھوڑی جائے گی اور پرانے لکھنو ¿ میں ہر ممکنہ سہولت فراہم کی جائے گی۔
میٹنگ میں سول ڈیفنس کے چیف وارڈن امرناتھ مشرا نے کہا کہ ہر سال کی طرح امسال بھی ہماری پوری ٹیم امن وامان برقرار رکھنے میںبھر پور تعاون کرے گی۔ ایس پی ٹرایفک روی شنکر ،جنرل منیجر لیسا،جنرل منیجر جل سنستھان، سی او بازار کھالا، سی او چوک، سی او قیصر باغ، سی او عالم باغ، اے سی ایم -۶،سول ڈیفنس اور مختلف محکموں کے افسران نے شرکت کی۔
میٹنگ کی نظامت محمد فاروق خاں نے کی اور مہمانوں کا شکریہ مولانانعیم الرحمن صدیقی نے ادا کیا۔
اس میٹنگ میںعلمائے کرام ،عمائدین شہر ، جوائنٹ کمشنر آف پولیس مسٹر نوین اروڑا، اے سی پی بازار کھالا انل کمار، اے سی پی قیصر باغ آئی ۔پی سنگھ، اے سی پی چوک درگا پرساد تیواری،ڈی سی پی مغربی مسٹر سروسریش ترپاٹھی اور متعدد تنظیموں کے ذمہ داروں نے شرکت کی۔
