جامعہ ملیہ اسلامیہ کے لئے یہ اعزاز کی بات ہے کہ وزارت انسانی وسائل کی ترقی (ایم ایچ آر ڈی) کی طرف سے یو نیورسٹیوں کی کارکردگی کے جائزے میں نمایاں کارکردگی کا مظاہرہ کیا ہے ۔
سال 2019-20 کے لئے جامعہ ملیہ اسلامیہ نے مجموعی طور پر 95.23 فیصداسکور حاصل کیا ہے ، جیسا کہ ایم ایچ آر ڈی کے ذریعہ بھیجے گئے خط میں بتایا گیا ہے۔ یہ اس بات کا ثبوت ہے کہ انتظامیہ اور فیکلٹی ممبران ہدف کے حصول پر بہت زیادہ فوکس کرتے ہیں اور ان کی فراہمی کی صلاحیت بھی رکھتے ہیں۔
مرکزی یونیورسٹیوں کی کارکردگی کی پیمائش کے لئے مرکزی یونیورسٹیوں کو ایم ایچ آری ڈی اور یو جی سی کے ساتھ سہ فریقی ایم او یو پر دستخط کی ضرورت ہے۔ جامعہ ملیہ اسلامیہ 2017 میں پہلی یونیورسٹی تھی جس نے اس ایم او یو پر دستخط کیے تھے اور کارکردگی کا جائزہ لینے کے لئے خود کو پیش کیا تھا۔
کارکردگی کا جائزہ طلباء کے تنوع اور ایکوئٹی ، فیکلٹی کے معیار ، علمی نتائج ، تحقیقی کارکردگی ، آؤٹ ریچ ، گورننس ، فنانس ، قومی اور بین الاقوامی درجہ بندی ، اور نصابی و غیر نصابی سرگرمیوں جیسے پیرامیٹرز کی بنیاد پر لیا جاتا ہے ۔
پروفیسر نجمہ اختر ، وائس چانسلر ، جامعہ ملیہ اسلامیہ نے اس کارکردگی پر خوشی اور اطمینان کا اظہار کیا اور کہا ادھر حالیہ دنوں میں یونیورسٹی جس قسم کے بحران سے گذرتی رہی ہے ایسے میں اس طرح کامیابی کی خبر یقینا فخر کی بات ہے ۔
انہوں نے اس کامیابی کو یونیورسٹی کی بہترین تعلیم ، تحقیق اور جامعہ کے بارے میں بہتر تاثر سے منسوب کیا۔ انہوں نے امید ظاہر کی کہ آنے والے سالوں میں یونیورسٹی کی کارکردگی میں مزید بہتری آئے گی۔
قابل ذکر ہے کہ ایم ایچ آر ڈی کی این آئی آر ایف رنکنگ میں جامعہ ملک بھر کی یونیورسٹیوں میں دسویں نمبر پر ہے ، جو پچھلے سال کے بارہویں نمبر سے بہتر ہے۔ مجموعی طور پر جامعہ نے اس بار 16 ویں رینک حاصل کی جو پچھلے سال سال کے مقابلے کی 19 ویں پوزیشن سے بہتر کار ہے۔ اس زمرے میں اعلی تکنیکی اداروں اور یونیورسٹیوں جیسےآئی آئی ٹی ایس ،آئی آئی ایم ایس، آئی آئی ایس سی شامل ہیں۔
صرف یہی نہیں ، جامعہ نے معروف کیو ایس ورلڈ یونیورسٹی رینکنگ -2021 میں لگاتار تیسرے سال بھی اپنی درجہ بندی برقرار رکھی۔ اس سال کیو ایس کے میں یو نیورسٹیوں کے نمایاں اضافہ کے باوجود ، جامعہ نے 751–800 زمرے میں اپنا مقام برقرار رکھا۔
کیو ایس کی انڈیا یونیورسٹی رینکنگ 2020 میں بھی جامعہ کی رینکنگ میں نمایاں بہتری آئی ہے۔ سال 2019 میں پائے جانے والے 28 ویں رینک کے برعکس ، 2020 میں اسے 21 ویں نمبر پر رکھا گیا ہے۔
جامعہ ملیہ اسلامیہ ہندوستان کے ان چند تعلیمی اداروں میں سے ایک ہےجس نے لندن میں قائم ٹائمز ہائیر ایجوکیشن (دی) ورلڈ یونیورسٹی رینکنگ 2020 میں اپنی درجہ بندی میں بہتری لائی ہے ۔اس مرتبہ 801-1000 درجہ بندی میں بہتر کارکردگی کا مظاہرہ کرتے ہوئے 601-800 کی رینکنگ میں جگہ حاصل کی ہے۔ پہلی 200 درجہ بندی کے بعد ، ٹی ایچ آئی انفرادی طور پر رینکنگ کے بجائے مجموعی طور پر درجہ بندی کرتی ہے۔
ماسکو میں قائم راؤنڈ یونیورسٹی رینکنگ (آر یو آر ) 2020 میں دنیا بھر کی 1100 یونیورسٹیوں میں ، جامعہ 538 ویں نمبر پر ہے۔ پچھلے سال کے 631 رینک کے مقابلہ میں بہتر کارکردگی ہے۔
پچھلے جولائی میں ، آؤٹ لک-آئی سی اے آر ای انڈیا یونیورسٹی رینکنگ 2019 نے یونیورسٹی کو اعلی 25 مرکزی یونیورسٹیوں میں تیسرا اور ہندوستان کی ٹاپ 100 یونیورسٹیوں میں 17 ویں نمبر پر رکھا تھا۔
احمد عظیم