جامعہ ملیہ اسلامیہ ہندوستان کے ان نمایاں تعلیمی اداروں میں سے ایک ہے جس نے نہ صرف عالمی سطح پر اپنا مقام برقرار رکھا ہے بلکہ لندن کے ٹائمز ہائیر ایجوکیشن ، ورلڈ یونیورسٹی رینکنگ 2021 کی رپورٹ کے مطابق ہندوستانی اداروں میں اپنی پوزیشن کو مزید بہتر بنایا ہے۔
مذکورہ ادارہ کی رپورٹ کے مطابق ، جامعہ ملیہ اسلامیہ نے ہندوستانی اداروں میں اس سال 19 سے 12 ویں تک اپنی درجہ بندی کو بہتر بنایا اور عالمی سطح پر اس نے 601-800 بینڈ کے مابین اپنی پوزیشن برقرار رکھی ۔ اس مرتبہ بین الاقوامی اور ہندوستانی اداروں کی کل تعداد میں اضافے کے باوجود جامعہ ملیہ اسلامیہ نے اپنی کارکردگی میں بہتری لائی جو قابل ستائش ہے۔
گذشتہ سال 92 ممالک کے 1400 اداروں کے مقابلے میں 93 ممالک کے کل 1527 اداروں کا جائزہ لیا گیا تھا۔ مذکورہ ایجنسی کے ذریعہ پچھلے سال کی جانے والی 56 ہندوستانی اداروں کی تعداد امسال بڑھ کر 63 ہوئی تھی یعنی ہندوستانی اداروں کی تعداد میں اضافہ کے باوجود جامعہ کا نمایاں مقام رہا۔
اس موقع پر وائس چانسلر،جامعہ ملیہ اسلامیہ،پروفیسر نجمہ اختر نے قومی اور بین الاقوامی درجہ بندی میں یونیورسٹی کی مستقل بہتری اور نمایاں کارکردگی پر خوشی کا اظہار کیا۔
پروفیسر اختر نے کہا کہ یہ کارکردگی جامعہ ملیہ اسلامیہ کی بڑھتی ہوئی بین الاقوامی معیارکی عکاسی کرتی ہے اس کے علاوہ اعلی معیار کی تحقیق ، اشاعتوں اور درس و تدریس میں بھی اس کے نمایاں مقام کا اندازہ ہوتا ہے۔ انہوں نے امید ظاہر کی کہ یونیورسٹی اپنی کارکردگی میں مزید بہتری لائے گی جس سے اس کی درجہ بندی میں بھی اضافہ ہوگا۔
یونیورسٹیوں کی کارکردگی کا اندازہ لگانے کے لئے ورلڈ یونیورسٹی رینکنگ 2021 نے پانچ پیرامیٹرز قائم کئے تھے جن میں: درس (30 فیصد) ، تحقیق (30 فیصد) ، حوالہ جات (30 فیصد) ، آمدنی (2.5 فیصد) اور بین الاقوامی آؤٹ لک (7.5 فیصد) شامل ہے ۔
بتا دیں کہ اس سے قبل جامعہ ملیہ اسلامیہ نے 751-800 بینڈ کی عالمی سطح کی عالمی درجہ بندی میں کوکواوریلی سایمنڈز (کیو ایس) میں اپنی پوزیشن برقرار رکھنے میں کامیابی حاصل کی تھی۔ یہ درجہ بندی گذشتہ جون کو جاری کی گئی تھی۔
وہیں وزارت تعلیم کی قومی ادارہ جاتی رینکنگ فریم ورک (این آئی آر ایف -2020) کئے جانے والے سروے میں بھی جامعہ کو نمایاں مقام ملا تھا ، اس میں جامعہ ملیہ اسلامیہ کو ملک کی دانش گاہوں میں 10 ویں نمبر پر رکھا گیا تھا۔
احمد عظیم