وزیر اعلیٰ کا ضلع مظفر نگر دورہ
ضلع مظفر نگرکے انٹیگریٹڈ کمانڈ اور کنٹرول سینٹر کا معائنہ
لکھنو 1
اترپردیش کے وزیر اعلیٰ یوگی آدتیہ ناتھ نے آج مظفر نگر ضلع کا دورہ کیا اور وہاں کئے گئے کورونا مینجمنٹ ، ریسکیو اور ٹریٹمنٹ آپریشن کا جائزہ لیا۔ اس سے قبل انہوں نے انٹیگرٹیڈ کمانڈ اینڈ کنٹرول سنٹر (آئی سی سی) کا معائنہ کیا۔
معائنہ کے دوران وزیر اعلیٰ نے موقع پر ہی آئی سی سی میں ہونے والی مختلف سرگرمیوں کی صورت حال کا جائزہ لیا۔ انہوں نے ہوم آئیسولیشن کے مریضوں سے مواصلات اور ٹیلی مواصلات ، میڈیکل کٹس کی تقسیم وغیرہ کے حوالے سے آئی سی سی سی اہلکاروں سے معلومات حاصل کیں۔ انہوں نے کہا کہ کورونا وبا کی جنگ میں آئی سی سی کا اہم کردار ہے۔ اس کے ذریعے ، کورونا مینجمنٹ اور کنٹرول کے فعالیت کی نگرانی کی جارہی ہے۔
جائزہ کے بعد وزیر اعلیٰ نے عوامی نمائندوں اور افسران کے ساتھ منعقدہ میٹنگ میں کورونا مینجمنٹ ، ریسکیو اور ٹریٹمنٹ ورکس کا جائزہ لیا۔ انہوں نے کہا کہ ہر ایک کو حوصلہ برقرار رکھتے ہوئے کورونا کے خلاف جنگ میں بھرپور طریقے سے کام کرنا ہوگا۔ ٹیم ورک کے ساتھ کام کرنے پر زور دیتے ہوئے انہوں نے کہا کہ اس سے بہتر نتائج برآمد ہوں گے۔ ہمیںہر حالت میں کووڈ کو شکست دینے کے لیے10 قدم آگے جانے کی ضرورت ہے۔ انہوں نے کہا کہ افسران اور عوامی نمائندوں کے مابین تال میل قائم رہنا چاہئے۔
وزیراعلیٰ نے ہدایت دی کہ کوویڈ اسپتالوں میں مریضوں کو اچھا علاج ، معیاری خوراک اور صاف ستھرا ماحول دستیاب ہونا چاہئے۔ اس پر خصوصی توجہ دی جائے کہ مریضوں کو کسی طرح کی پریشانی کا سامنا نہ کرنا پڑے۔ ضلع میں ’کوڈ آپریشن‘ کے لئے108 سروس کی 75 فیصد ایمبولینس کا استعمال کیا جائے تاکہ کسی بھی ایمرجنسی صورتحال میں ، ایمبولینس فوری طور پر مریض تک پہنچ سکے۔ ہو م آئیسولیشن میںرہنے والے مریضوں کے ساتھ مستقل رابطے اور ان کو موثر انداز میں میڈیکل کٹ کی دستیابی۔ ضلع میں خواتین اور بچوں کے لئے فعال اسپتال کابندوبست یقینی بنایا جائے۔
وزیر اعلیٰ نے کہا کہ گاووں کو انفیکشن سے محفوظ رکھنے کے لئے خصوصی جانچ مہم چلائی جارہی ہے۔ مانیٹرنگ کمیٹیاں فعال انداز میں چل رہی ہیں۔ خصوصی مہم کے ذریعہ گھر گھر جاکر درجہ حرارت اور لوگوں میں علامتی اور انفیکشن اور آکسیجن کی سطح کی جانچ کی جارہی ہے۔ ان افراد میں میڈیکل کٹس بھی تقسیم کی جارہی ہیں۔ بڑے پیمانے پر ہاو ¿س سروے کا کام جاری ہے۔
اس کے بعدوزیر اعلیٰ نے میڈیا کے نمائندوں سے گفتگو کرتے ہوئے کہا کہ ریاست میں کورونا انفیکشن کی شرح میں مسلسل کمی آ رہی ہے۔ انہوں نے کہا کہ ریاست میں ایک بار پازیٹیویٹی کی شرح 16.5 فیصد تھی جو آج کم ہوکر صرف 3.5 فیصد رہ گئی ہے۔
وزیر اعلیٰ نے کہا کہ ریاست میں اب تک ڈیڑھ کروڑ سے زیادہ ویکسین کی خوراک دی جاچکی ہے ، جس میں 18 سے 44 سال کی عمر کے 04 لاکھ 15 ہزار افراد کو ویکسین کی پہلی خوراک دی گئی ہے۔ انہوں نے بتایا کہ کورونا کے پہلے مرحلے میں ایل ۔1 قسم کے 01 لاکھ 16 ہزار بیڈ اور ایل۔ 2 اور ایل۔ 3 قسم کے 23 ہزار بیڈ دستیاب ہیں۔ لیکن دوسرے مرحلے میں ، انفیکشن کی تیز شرح کی وجہ سے L-2 اور L-3 زمرہ کے 80 ہزار بستر فراہم کیے گئے ہیں۔ آکسیجن ، علاج معالجے سمیت دیگر جان بچانے والی دوائیوں کی مانگ میں بھی اضافہ ہوا ہے اور حکومت نے ان کی فراہمی کو یقینی بنایا ہے۔ انہوں نے کہا کہ تباہی کے وقت صبر ہمارا دوست ہے۔ ہمیں ، ڈاکٹروں ، صحت سے متعلق کارکنوں اور عوام کے حوصلے بلند کرنا چاہئے۔
وزیر اعلیٰ نے کہا کہ تیسری لہر کے امکان کو مدنظر رکھتے ہوئے ، ریاستی حکومت پوری طرح سے حساس ہے۔ اس میں بچوں کو انفیکشن سے بچانے کے لئے تمام اضلاع میں پیڈیاٹرک آئی سی یو (پِیکو) کا قیام عمل میں لایا گیا ہے اور اس کے موثر آپریشن کے لئے تربیتی پروگرام شروع کردیئے گئے ہیں۔ انہوں نے کہا کہ ہائی رسک والے زمرے میں شامل افراد ، 60 سال سے زیادہ عمر کے افراد ، 10 سال سے کم عمر کے بچے ، حاملہ خواتین ، کمزوراور ایک سے زیادہ بیماریوں کے افراد کو گھر رہنا چاہئے۔ ماسک بھی استعمال کریں۔ .
وزیر اعلیٰ نے کہا کہ ریاست میں بلیک فنگس کے کچھ معاملے سامنے آئے ہیں۔ اس کے لئے ایڈوائزری جاری کردی گئی ہے۔ اس کے علاج کے لئے ریاست کے تمام اضلاع میں مفت علاج کیا گیا ہے۔ انہوں نے ہدایت دی کہ بلیک فنگس کے علاوہ پوسٹ کووڈ کا الگ علاج کیا جائے اور ان کے لئے مفت علاج کیا جائے۔ انہوں نے کہا کہ ہر شخص کی زندگی ہمارے لئے اہم ہے اور اس کی توانائی معاشرے اور قوم کے مفاد میں استعمال ہونی چاہئے۔
وزیر اعلیٰ نے ضلع کے گاو ¿ں رام پور میں کنٹینمنٹ زون کا معائنہ کیا اور مانیٹرنگ کمیٹی کے ممبران اور دیہی علاقوں کے لوگوں سے بات چیت کی۔ انہوں نے کہا کہ ہر معاملے میں ماسک اور معاشرتی فاصلہ پر عمل کیا جائے۔ انہوں نے ہدایت دی کہ کنٹینمنٹ زون میں کورونا پروٹوکال کی سختی سے عمل کیا جائے۔ انہوں نے کہا کہ مانیٹرنگ کمیٹی کو زیادہ فعال طور پر کام کریں اور انفیکشن کے پیش نظر علامتی اور مشکوک افراد کی نشاندہی کرکے کووڈ پروٹوکال کے مطابق انہیں علاج کی فراہمی یقینی بنایا جائے۔ مانیٹرنگ کمیٹیاں اسکریننگ کا کام انجام دیں اور بغیر کسی تاخیر کے مریض کو میڈیکل کٹ فراہم کریں۔
وزیر اعلیٰ نے پولیس لائن میں پولیس اہلکاروں کے لئے قائم کووڈ کیئر سنٹر کووڈ اسپتال کا بھی معائنہ کیا۔ معائنہ کے دوران ضروری ہدایات بھی دیں،
اس موقع پر مرکزی وزیر ماہی پروری، مویشی پروری اور ڈیری جناب سنجیو کمار بالیان ، وزیر مملکت برائے پیشہ وارانہ تعلیم جناب کپل دیو اگروال اور دیگر عوامی نمائندے اورحکومت اور انتظامیہ کے اعلیٰ افسران موجود تھے ۔
