رکن پارلیمنٹ نے ہر اسمبلی سے تپ دق کے پانچ-پانچ مریضوں کو لیا گود
بارہ بنکی۔ (ڈاکٹر ریحان علوی) تپ دق مرض سے مکمل طور پر ٹھیک ہونے کے لیے قوت مدافعت اچھی ہونی چاہیے۔ اچھی غذائیت سے بھرپور خوراک تپ دق کے مریضوں کو جلد ٹھیک کر سکتی ہے۔ ایم پی اوپیندر سنگھ راوت نے لوک سبھا حلقہ کی ہر اسمبلی سے پانچ پانچ مریضوں کو گود لیا ہے۔ تاکہ تپ دق کے مریضوں کو مناسب مقدار میں غذائیت سے بھرپور خوراک مل سکے۔ ایم پی کی طرف سے ان مریضوں کو غذائیت سے بھرپور کھانا فراہم کیا جائے گا۔ اس کے لیے رکن پارلیمنٹ اوپیندر سنگھ راوت کی لکھپیڑا باغ رہائش گاہ پر محکمہ صحت کے رتیش سنگھ کے ساتھ ایک میٹنگ بھی منعقد ہوئی۔ایم پی نے رضاکار گروپوں سے بھی تپ دق کے مریضوں کی مدد کرنے کی اپیل کی ہے۔
اس موقع پر بلرام ورما منڈل جنرل سکریٹری مسولی، دھنی رام راوت سابق سربراہ، واسودیو ورما ضلع پنچایت رکن، شیوکمار شرما، دنیش چندر راوت اور کئی دوسرے موجود تھے۔
