وزیر اعلیٰ نےہندوستانی فوج کی سینٹرل کمانڈ کے زیر اہتمام
’نو یور آرمی فیسٹیول-2024‘کا افتتاح ہوا
لکھنؤ:
اتر پردیش کے وزیر اعلی یوگی آدتیہ ناتھ نے کہا ہے کہ ہندوستانی فوج 140 کروڑ ہندوستانیوں کے لئے فخر کی علامت ہے۔ اہل وطن اس کی طاقت کو جانتے ہیں اور اس پر مستحکم یقین رکھتے ہیں۔ ایک مضبوط فوج ہی ایک محفوظ اور خودمختار قوم کے وژن کو پورا کر سکتی ہے۔ اس لیے ہندوستانی فوج کو ضرورت کے مطابق مسلسل تیار کرنے کی نیو انڈیا کی حکمت عملی بالکل مناسب ہے۔
وزیر اعلیٰ آج یہاں ہندوستانی فوج کی سنٹرل کمانڈ کی طرف سے منعقدہ’نو یور آرمی فیسٹیول-2024‘ (know your army festival)کے افتتاحی پروگرام سے خطاب کر رہے تھے۔ انہوں نے اس موقع پر منعقدہ فوجی نمائش کا دورہ
کیا اور سکھ ریجمنٹ کے جوانوں کےجنگی مہارت’گتکا‘ کا مظاہرہ بھی دیکھا۔
وزیر اعلیٰ نے کہا کہ اتر پردیش بہا دروں کی سرزمین ہے۔ ہمارے فوجیوں نے ملک کی سلامتی کے لیے ہر جنگ میں اہم کردار ادا کیا ہے۔ بہت سے بہاردوں نے اپنی بہادری اورشجاعت سے ملک کی حفاظت کرکے ریاست کا نام روشن کیا ہے۔ جب فوج اور عوام مل کر کام کرتے ہیں تو کئی گنا نتائج حاصل کرنے میں کامیابی حاصل ہوتی ہے۔ تمام اہل وطن کے جذبات ہمیشہ اپنی فوج اور مسلح افواج کے ساتھ جڑے ہوئے نظر آتے ہیں۔ انہوں نے وزیر اعظم جناب نریندر مودی ، مرکزی وزیر دفاع جناب راج ناتھ سنگھ اور ہندوستانی فوج کا اس سال کے نو یور آرمی فیسٹیول‘ کے انعقاد کے لیے ریاست کے دارالحکومت لکھنؤ میں واقع سنٹرل کمانڈ کا انتخاب کرنے پر شکریہ ادا کیا۔
’نویور آرمی فیسٹیول‘ ہندوستانی فوج کو قریب سے جاننے اور اس کی بہادری اورشجاعت کو پہچاننے کا موقع فراہم کرتا ہے۔ فوج کے اسلحوں، سازوسامان، کام کرنے کے انداز، کام کی استعداد اور ان روایات کے بارے میں جاننے کا یہ ایک اچھا موقع ہے جن سے لوگ عام طور پر لاعلم ہیں۔ یہاں ہم سب کو فوج کی نمائش دیکھنے کا موقع مل رہا ہے۔ اس نمائش کے ذریعے ہمیں فوج کی طاقت، بہادری اور حب الوطنی کو قریب سے جاننے اور سمجھنے کا موقع بھی ملے گا۔
وزیر اعلیٰ نے کہا کہ وزیر اعظم کی تحریک سے ہندوستان نے زندگی کے ہر شعبے میں خود انحصاری کا ہدف حاصل کیا ہے۔ اسی طرح یہ نمائش ہمیں فوج کے اسلحوں اور ساز و سامان میں خود انحصاری اور میک ان انڈیا کے تصور کو محسوس کرنے کا موقع فراہم کرتی ہے۔
وزیر اعلیٰ نے کہا کہ سال 2018 میں اتر پردیش حکومت نے انویسٹرس سمٹ کا اہتمام کیا تھا۔ سرمایہ کاروں کے اجلاس میں وزیراعظم نے ملک کے لیے 02 دیفنس مینوفیکچرنگ کاریڈور کا اعلان کیا تھا۔ ان میں سے ایک تمل ناڈو میں اور دوسرا اتر پردیش میں قائم کیا جا رہا ہے۔ فروری 2020 میں لکھنؤ میں ایک عظیم الشان دفاعی نمائش کا اہتمام کیا گیا۔ ڈیفنس ایکسپو 2020 میں ملک اور دنیا کو ہندوستانی فوج کے فخر، بہادری اورشجاعت کو قریب سے دیکھنے کا موقع ملا۔
وزیر اعلیٰ نے کہا کہ ڈیفنس ایکسپو 2020 کے موقع پر اتر پردیش حکومت کو اتر پردیش ڈیفنس مینوفیکچرنگ کوریڈور کے لیے بہت سی تجاویز موصول ہوئی ہیں۔ ان میں ڈیفنس کوریڈور کے لکھنؤ نوڈ میں ڈی آر ڈی او برہموس میزائل کی تعمیر اور جھانسی نوڈ میں بھارت ڈائنامکس کے بڑے پروگراموں کو منظوری دی گئی ہے۔ ڈیفنس کاریڈور کے کانپور اور علی گڑھ نوڈس کے لیے ہمارے پاس پہلے سے ہی ریزرو ہونے والی تمام زمینیں الاٹ ہو چکی ہیں اور پیداوار کے لیے
تیار ہیں۔
وزیر اعلیٰ نے کہا کہ آج ہندوستان نے فوجی ساز و سامان اور اسلحوں کی فراہمی میں خود انحصاری کا ہدف حاصل کر لیا ہے۔ ہم دنیا کے کئی ممالک کو اس سپلائی چین سے جوڑنے میں بھی کامیابی حاصل کر رہے ہیں۔ یہ ایک نئی شروعات ہے۔ وزیراعلیٰ نے اس نئے آغاز پر وزیراعظم اور وزیر دفاع کا شکریہ ادا کیا۔
وزیر اعلیٰ نے کہا کہ ریاستی حکومت خدمت کرنے والے فوجیوں اور ریٹائرڈ فوجیوں اور بہادر مردوں اور خواتین کی فلاح و بہبود کے لیے پوری عزم کے ساتھ کام کر رہی ہے۔ ریاستی حکومت ملک کی سرحدوں کی حفاظت میں اپنی جانوں کا نذرانہ پیش کرنے والے فوجیوں کے خاندانوں کو 50 لاکھ روپے کی گرانٹ رقم اور خاندان کے ایک فرد کو
سرکاری نوکری دینے کا بھی انتظام کرتی ہے۔
وزیر اعلیٰ نے کہا کہ اتر پردیش وہ ریاست ہے جس نے سال 1960 میں ملک کو اپنا پہلا سینک اسکول دیا تھا تاکہ اس بات کو یقینی بنایا جا سکے کہ ہندوستانی فوج کو قابل اور ہنر مند فوجی ملیں۔ اتر پردیش کے سینک اسکول کو یہ اعزاز حاصل ہے کہ ہندوستانی فوج کی جانب سے لکھنؤ کے سینک اسکول کے طالب علم کیپٹن منوج کمار پانڈے کو 1999 میں کارگل جنگ میں ان کی بے مثال بہادری اور شجاعت کے لیے اعلیٰ ترین فوجی اعزاز پرم ویر چکر سے نوازا گیا۔ ریاستی حکومت نے اپنے پہلے سینک اسکول کا نام بھی کیپٹن منوج کمار پانڈے کے نام پر رکھا ہے۔
وزیر اعلیٰ نے کہا کہ ریاستی حکومت ضلع گورکھپور میں ریاست کے 05ویں نئے سینک اسکول کی تعمیر کے عمل کو جنگی بنیادوں پر آگے بڑھا رہی ہے۔ وزیر اعظم نے ملک میں 100 نئے سینک اسکول قائم کرنے کی مہم شروع کی ہے، جن میں سے اتر پردیش نے پہلے ہی 16 سینک اسکولوں کی تجویز بھیجی ہے۔ حال ہی میں وزیر دفاع کے ساتھ ورینداون میں ملک کے پہلے گرلز سینک اسکول کا افتتاح کیا گیا۔ لڑکوں کے ساتھ لڑکیوں کو بھی فوج میں مواقع مل
رہے ہیں۔
وزیراعلیٰ نے کہا کہ وزیراعظم نے 21ویں صدی کے چیلنجز کے مطابق بہادر بیٹوں کی تربیت اور تعلیم کے لیے نیشنل ڈیفنس یونیورسٹی پہلے ہی قائم کی ہے۔ نیشنل ڈیفنس یونیورسٹی نے لکھنؤ میں اپنا ایک کیمپس بھی کھولا ہے جسے ڈاکٹر شکنتلا مشرا نیشنل ری ہیبلیٹیشن یونیورسٹی میں ایک عارضی کیمپس کے طور پر چلایا جا رہا ہے۔ نیشنل ڈیفنس یونیورسٹی کے لکھنؤ کیمپس کا قیام خطہ میں سیکورٹی فورسز میں شمولیت کے خواہشمند ہمارے نوجوانوں کی صلاحیتوں کو بڑھانے میں ایک نئے دور کا آغاز کرے گا۔ یہ ہمارے نوجوانوں کے لیے فوج میں شاندار کیریئر بنانے کے لیے ایک بہتر آپشن ثابت ہو سکتا ہے۔ آج نوجوانوں کو فوج میں بھرتی کرنے کے لیے بہت سے پروگرام جاری ہیں۔
ہماری سکھ ریجیمنٹ سے تعلق رکھنے والے بہادر سپاہیوں نے یہاں قدیم مارشل آرٹ’گتکا‘ کا شاندار مظاہرہ کیا۔ اس عرصے کے دوران، ہندوستان کے نوجوان جنگ کے قدیم فن کے ذریعے حملہ آوروں کو جواب دینے کے لیے تیار تھے۔ خوشی کا اظہار کرتے ہوئے انہوں نے کہا کہ آج ہندوستانی فوج نے ہندوستان کے اس قدیم جنگی فن کا حصہ بن کر عزت افزائی کی ہے۔ اس کے علاوہ سکھ گرووں کی قربانیوں کو خراج تحسین پیش کرنے کا کام بھی انہیں ایک نئی
تحریک کے طور پر ہندوستانیوں کے سامنے رکھ کر کیا گیا ہے۔
وزیر اعلیٰ نے کہا کہ ریاستی حکومت نے پہلے ہی 15 جنوری کو آرمی ڈے کے موقع پر ریاست کی راجدھانی لکھنؤ میں منعقد ہونے والے پروگرام کے لیے اپنا مکمل تعاون فراہم کرنے کا عہد ظاہر کیا ہے۔ پورا ہندوستان اپنے فوجیوں کے ساتھ ہے اور ان کی بہادری اور قربانیوں کی داستان کو یاد کرتا ہے۔ حکومت پورے احتساب کے ساتھ اپنے فوجیوں کو ہر ممکن مدد فراہم کرنے کے عزم کو آگے بڑھا رہی ہے۔
اس موقع پروزیر جل شکتی جناب سواتنتر دیو سنگھ، سابق وزیر اور قانون ساز کونسل کے رکن ڈاکٹر مہیندر سنگھ، جنرل افسر کمانڈنگ ان چیف سنٹرل کمانڈ لیفٹیننٹ جنرل این ایس راجہ سبرامنی، سنٹرل کمانڈکےچیف اسٹاف لیفٹیننٹ جنر ل جناب مکیش چڈھا، ریاستی چیف سکریٹری جناب درگا شنکر مشر، وزیر اعلیٰ کے مشیر جناب اونیش کمار اوستھی، ہندوستانی فوج کے افسران اور سپاہی اور حکومت اور انتظامیہ کے اعلیٰ افسران موجود تھے۔
